تحضير الأرواح

الجزء الأول
ﻣﻦ ﺑﻌﺪ ﺍﻟﻘﺮﺍﻳﺔ ﻭ ﺗﺎﻣﺎﺭﺓ ﺩﻳﺎﻟﻬﺎ ﺑﺤﻜﻢ ﻛﺎﻥ ﻋﻨﺪﻱ ﺍﻟﺒﺎﻙ ﻟﺨﺪﻳﺘﻮ ﺍﻟﺤﻤﺪ ﻟﻠﻪ ﺟﺎ ﺍﻟﺼﻴﻒ ﺁﻩ ﺍﻟﺮﺍﺣﺔ ﻭ ﺍﻟﺘﺒﺤﺎﺭ ﻣﻊ ﺍﻟﻌﺸﺮﺍﻥ ﻭ ﺍﻟﺘﻴﺘﻴﺰً ﻫﺎﺩﺷﻲ ﻟﻜﻨﺖ ﺩﺍﻳﺮ ﻓﺒﺎﻟﻲ ﻭ ﻟﻜﻦ ﻣﺎ ﻏﺎﺩﻳﺶ ﺇﺩﻭﺯ ﻫﺎﻛﺎ. ﻣﻬﻢ ﺣﻨﺎ ﻓﺎﻟﺼﻴﻒ ﻋﺎﺋﻠﺔ ﺍﻟﻮﺍﻟﻴﺪ ﻛﺘﺠﻤﻊ ﻋﻨﺪﻧﺎ ﻓﻲ ﺍﻟﺪﺍﺭ ﺃﻭ ﻛﺎﻥ ﻛﻴﻌﺠﺒﻨﻲ ﻫﺎﺩ ﺍﻟﺠﻮ ﺑﺰﺍﻑ . ﺟﺎﻭ ﻟﻌﺎﺋﻠﺔ ﻭ ﻛﺎﻳﻦ ﻭﺍﺣﺪ ﻭﻟﺪ ﻋﻤﻲ ﺃﻧﺎ ﻭ ﻳﺎﻩ ﻣﻌﺮﻭﻓﻴﻦ ﻣﺴﺎﺧﻴﻂ ﻣﺎﻛﺎﻳﻨﺶ ﺍﻟﻤﻮﺻﻴﺒﺎ ﻟﻤﺪﺭﻧﺎﻫﺎﺵ ﺑﺠﻮﺝ . ﻫﻮ ﻛﻴﻌﺠﺒﻮ ﺩﺍﻛﺸﻲ ﺩﻳﺎﻝ ﻣﺎ ﻭﺭﺍﺀ ﺍﻟﻄﺒﻴﻌﺔ ﻭ ﺗﺤﻀﻴﺮ ﺍﻷ‌ﺭﻭﺍﺡ ﻭﻛﺎﻳﻘﺮﺍ ﻛﺘﻮﺑﺎ ﻋﻠﻰ ﻫﺎﺩﺷﻲ ﻭ ﻣﻠﻲ ﺟﺎ ﻭ ﻫﻮ ﻓﺎﺭﻉ ﻟﻴﺎ ﺭﺍﺻﻲ ﺑﺸﻲ ﻃﺮﻳﻘﺔ ﻗﺮﺍﻫﺎ ﻋﻠﻰ ﻛﻴﻔﺎﺵ ﺗﺤﻀﺮﻫﻮﻡ ﻣﻠﻲ ﻗﺎﻟﻬﺎ ﻟﻴﺎ ﺧﺮﻳﺖ ﻋﻠﻴﻪ ﺑﺎﻟﻀﺤﻚ ﻭﻟﻜﻦ ﺃﻧﻬﺠﺮﻭ ﻓﺎﻟﺨﺮ .. ﻣﻬﻢ ﻗﺮﺍ ﻋﻠﻰ ﺷﻲ ﻛﺘﺎﺏ ﻋﻠﻰ ﻛﻴﻔﻴﺔ ﺗﺤﻀﻴﺮ ﺧﻮﺗﻨﺎ ﻓﺎﻟﻠﻪ ﻭ ﺷﺤﺎﻝ ﺿﺤﻜﺖ ﻋﻠﻴﻪ ﻗﻠﺖ ﻟﻴﻪ ﺗﺎﺷﻤﻦ ﺟﻨﻮﻥ ﻭﻻ‌ ﺑﺰﻳﻴﻴﻲ ﻫﺎﺩﺷﻲ ﻏﻴﺮ ﺗﺨﺮﺑﻴﻖ ﺑﻴﻦ ﻟﻴﺎ ﺃﺳﻲ ﺍﻟﻔﻘﻴﻪ ﻭ ﻳﺎﺭﻳﺘﻨﻲ ﻣﺎ ﺧﺮﺟﺘﻬﺎ ﻣﻦ ﻓﻤﻲ. ﻟﻐﺪ ﻟﻴﻪ ﻓﻘﻨﺎ. ﺑﻜﺮﻱ ﺩﻭﺷﻨﺎ ﻓﻄﺮﻧﺎ ﻣﻊ ﺍﻟﺪﺍﺭ ﻭ ﻟﺒﺴﻨﺎ ﺍﻟﺸﻮﺭﺗﺎﺕ ﻭ ﺃﺭﺍﻙ ﻟﺘﺒﺤﺮﺍﺕ ﻣﺸﻴﻨﺎ ﻣﻦ ﺍﻟﻌﺸﺮﺓ ﻣﺎ ﺟﻴﻨﺎ ﺗﺎﻝ ﺍﻟﺘﻤﻨﻴﺔ ﺟﻴﻨﺎ ﻋﻴﺎﻧﻴﻦ ﺩﻭﺷﻨﺎ ﻭ ﻗﺼﻴﻨﺎ ﻣﻊ ﺍﻟﺒﺤﺮ ﻛﻴﺠﻴﺐ ﺍﻟﺠﻮﻉ ﻛﻨﺎ ﻋﻮﺍﻟﻴﻦ ﻧﺨﺮﺟﻮ ﻭﻟﻜﻴﻦ ﻣﻊ ﺍﻟﻌﻴﺎ ﻣﺎ ﺑﻘﺎﺵ ﻋﺪﻧﺎ ﺍﻟﻌﻀﻢ ﺍﻟﺼﺤﻴﺢ ﻋﻼ‌ﺵ ﻧﻮﻗﻔﻮ ﻭ ﻗﺮﺭﻧﺎ ﻧﻘﻠﺒﻮﻫﺎ ﺑﻼ‌ﻱ ﻓﻲ ﺍﻟﺪﺍﺭ ﻣﻊ ﺩﻳﻚ ﺍﻟﻌﺸﺮﺓ ﺩﻳﺎﻝ ﺍﻟﻠﻴﻞ ﺍﻟﻌﺎﺋﻠﺔ ﺧﺮﺟﻮ ﻭ ﺑﻘﻴﺖ ﺃﻧﺎ ﻭ ﺃﻣﻴﻦ ﻣﻘﺼﺮﻳﻦ ﺑﻼ‌ﻱ ﺑﺮﺩﺗﻮ ﻣﺰﻳﺎﻥ. ﺷﻮﻳﺎ ﺑﻐﺎ ﻳﺠﺮﺏ ﺩﺍﻙ ﺷﻲ ﻟﻲ ﻗﺮﺍﻩ ﺷﺎﻑ ﻓﻴﺎ ﻭﻗﺎﻟﻴﺎ ﻟﻴﻮﻡ ﻧﺒﻴﻦ ﻟﻴﻚ ﻫﻬﻬﻬﻬﻬﻪ ﺃﻧﺎ ﻛﻮﻥ ﻛﻨﺖ ﻋﺎﺭﻑ ﺷﻨﻮ ﻏﺎﻳﻮﻗﻊ ﻛﻮﻥ ﻣﺎ ﻗﺒﻠﺘﺶ ﻭﻻ‌ﻛﻦ ﺍﻟﺰﻋﺎﻣﺎ ﺧﻴﺒﺎ ﺑﺰﺍﻑ ﻟﻤﻬﻢ ﻣﺸﺎ ﻟﺤﺎﻧﻮﺕ ﺟﺎﺏ ﺭﺑﻌﺔ ﺩﻳﺎﻝ ﺍﻟﺸﻤﻌﺎﺕ ﺟﺎﺏ ﻭﺭﻗﺎ ﻭ ﺑﺪﺍ ﻛﺎﻳﺰﻣﻢ ﺷﻲ ﺭﻣﻮﺯ ﺟﺎﺏ ﺯﻻ‌ﻓﺔ ﻭ ﺣﺘﻬﺎ ﻓﻮﻕ ﺍﻟﻮﺭﻗﺔ ﻭ ﺩﺍﺭ ﺍﻟﺸﻤﻊ ﻓﻮﻕ ﺍﻟﻮﺭﻗﺔ ﻭ ﺗﻔﺎ ﺍﻟﻀﻮ ﻭ ﻭﺻﺎﻧﻲ ﻻ‌ ﺷﻔﺖ ﺷﻲ ﺣﺎﺟﺔ ﻣﻨﺘﺨﻠﻌﺶ ﺣﻴﺖ ﺃﺗﺨﺮﺝ ﻋﻠﻴﻨﺎ ﻭ ﻫﺎﺩﺷﻲ ﻣﺎﻓﻴﻬﺶ ﻟﻌﺐ ﺃﻧﺎ ﻛﻨﻀﺤﻚ ﻓﺨﺎﻃﺮﻱ ﻭ ﻣﺎﻣﺴﻮﻗﺶ ﻟﻴﻪ ﺑﺪﺍ ﺍﻟﻄﻘﻮﺱ ﺩﻳﺎﻟﻮ ﺷﻮﻳﺎ ﺷﻮﻳﺔ ﻟﺒﺎﺏ ﺩﻳﺎﻝ ﺍﻟﺒﻴﺖ ﺗﺤﻞ ﺃﻧﺎ ﻣﺎﺯﻝ ﻣﺎ ﺗﻴﻘﺖ ﻗﻠﺖ ﻏﻲ ﺍﻟﺒﺮﺩ ﻫﺪﺍﻙ ﻭﻟﻜﻦ ﺣﺴﻴﺖ ﺑﻮﺍﺣﺪ ﺍﻹ‌ﺣﺴﺎﺱ ﻓﻲ ﺷﻜﻞ ﺯﻏﺐ ﺩﻳﺎﻝ ﺇﻳﺪﻱ ﻭﻗﻒ ﻭﻟﻜﻦ ﻣﺎﺑﻐﻴﺘﺶ ﻧﺒﻴﻦ ﻷ‌ﻣﻴﻦ ﺑﻐﻴﺖ ﻣﺎﻧﺒﺎﻧﺶ ﺧﻴﻒ. ﻣﺎ ﺣﺎﺩ ﺍﻟﻮﻗﺖ ﻛﻴﺪﻭﺯ ﻭ ﺃﻣﻴﻦ ﻣﺎﺯﺍﻝ ﻛﻴﻘﻮﻝ ﺷﻲ ﻫﺪﺭﺓ ﻓﻲ ﺷﻜﻞ ﺑﻘﻴﺖ ﻛﻨﺴﻤﻊ ﻭ ﻛﺎﻧﺤﻮﻝ ﻧﻔﻬﻢ ﺷﻨﻮ ﻛﻴﻘﻮﻝ ﻋﺎﺍﺍﺍﺩ ﻓﻬﻤﺖ ﻛﻴﻘﺮﺍ ﺍﻟﻘﺮﺁﻥ ﺑﺎﻟﻤﻘﻠﻮﺏ ﻫﻨﺎ ﻭ ﻓﻬﺎﺩ ﺍﻟﻠﺤﻀﺔ ﺍﻟﺰﻻ‌ﻓﺔ ﺑﺪﺍﺕ ﻛﺘﺤﺮﻙ ﺍﻩ ﺃ ﺧﻮﺗﻲ ﺻﺪﻕ ﻟﻴﻪ ﺩﺍﻛﺸﻲ ﻭ ﺑﺎﻟﻔﻌﻞ ﺷﻲ ﺣﺎﺟﺔ ﺃﻧﻮﺭﻣﺎﻝ ﺑﺪﺍﺕ ﻛﺘﺮﺍ . ﺃﻣﻴﻦ ﻣﺸﺎ ﺑﻌﻴﺪ ﻭ ﺩﻭﺍ ﺑﻴﻦ ﻟﻴﺎ ﺭﺍﻙ ﻫﻨﺎ ﻫﺎﺩﻱ ﻫﻲ ﻛﻠﻤﺘﻮ ﻟﻲ ﻗﺎﻝ ﺍﻟﺰﻻ‌ﻓﺔ ﺗﻘﻠﺒﺎﺕ ﻭ ﺷﻤﻌﺔ ﻃﻔﺎﺕ ﻓﻬﺎﺩ ﺍﻟﻠﺤﻀﺔ ﻷ‌ﺭﺽ ﺩﺍﺭﺕ ﺑﻴﺎ ﺣﺴﻴﺖ ﺑﻠﻲ ﺇﻟﻰ ﺑﻘﻴﺖ ﺑﺎﺭﻙ ﺃﻧﻤﻮﺕ ﻭ ﺑﻘﻮﺓ ﺍﻟﺨﻠﻌﺔً ﻷ‌ﻭﻝ ﻣﺮﺓ ﻛﻨﺤﺲ ﺑﻴﻬﺎ ﺟﻤﻌﺖ ﺍﻟﺠﺮﻳﺔ ﻭ ﺩﺭﺕ ﺩﺍﻛﺸﻲ ﻟﻘﺎﻟﻴﺔ ﺃﻣﻴﻦ ﻣﻨﺪﻳﺮﻭﺵ ﻫﺮﺑﺖ ﺗﻤﺎ ﺑﺪﺍ ﺍﻟﻀﻮ ﻛﻴﺘﻔﺎ ﻭ ﻳﺸﻌﻞ ﻭ ﺃﻧﺎ ﺣﺴﻴﺖ ﺑﺮﺍﺳﻲ ﺗﻬﺰﻳﺖ ﻭ ﺷﻲ ﺣﺎﺟﺔ ﺧﺒﺘﺎﺗﻨﻲ ﻭ ﺑﺪﻳﺖ ﻛﻨﻐﻴﺐ ﺃﺧﺮ ﺣﺎﺟﺔ ﺑﻘﺎﺕ ﻓﻲ ﻭﺩﻧﻲ ﻫﻲ ﺻﻮﺕ ﻭﻟﺪ ﻋﻤﻲ ﻳﻮﺳﻒ ﻳﻮﺳﻒ ﻓﻴﻖ ﻓﻴﻖ ﻣﻦ ﺑﻌﺪ ﺻﺎﻓﻲ ﺍﻟﺴﻜﺎﺍﺕ ﻓﻘﺖ ﺍﻟﺼﺒﺎﺡ ﻟﻘﻴﺖ ﻭ ﺃﻣﻴﻦ ﺣﺪﺍ ﺭﺍﺳﻲ ﻫﻮ ﻭ ﺍﻟﻮﺍﻟﻴﺪﺓ ﻣﺴﻜﻴﻨﺔ ﻋﻴﻨﻴﻬﺎ ﺣﻤﺮﻳﻦ ﺑﺎﻟﺒﻜﺎ ﻏﻤﺰﻧﻲ ﻳﻌﻨﻲ ﻣﺎﺗﻘﻮﻝ ﻭﺍﻟﻮ. ﺟﻨﺒﻲ ﻟﻴﻴﻴﻤﻦ ﻋﺎﺗﻴﻨﻲ ﺍﻟﺼﺪﺍﻉ ﺃﻣﻴﻦ ﻋﻴﺖ ﻟﺪﺍﺭ ﻭ ﺭﺟﻌﻮ ﻟﻘﺎﻭﻧﻲ ﻣﻐﻴﺐ ﻗﺎﻟﻴﻬﻮﻡ ﻧﺎﺩ ﻏﻲ ﻳﺠﻴﺐ ﻣﺎ ﻧﺎﻛﻠﻮ ﺃﻭ ﻏﺎﻳﺐ ﻋﺎﺩ ﺍﻟﺒﺎﺏ ﺃﻧﺎ ﻧﺪﺕ ﺻﺒﺮﺕ ﺍﻟﻮﺍﻟﻴﺪﺓ ﻭ ﻗﻠﺖ ﻟﻴﻬﺎ ﻣﺎ ﺗﺨﺎﻓﻲ ﻭﺍﻟﻮ ﻏﻲ ﻟﻌﻴﺎ ﻭ ﺻﺎﻓﻲ ﺑﺴﺖ ﻟﻴﻬﺎ ﻋﻠﻰ ﺭﺍﺳﻬﺎ ﻭ ﻗﻠﺖ ﻟﻴﻬﺎ ﻓﻴﺎ ﺟﻮﻉ ﺃﻧﺎ ﺑﻐﻴﺖ ﻏﻲ ﻧﺒﻘﺎ ﻣﻊ ﺃﻣﻴﻦ ﻭ ﻧﻬﺪﺭ ﻣﻌﺎﻩ . ﺳﻮﻟﺘﻮ ﺷﻨﻮ ﺃﻳﻮﻗﻊ ﺩﺍﺑﺎ ﻭ ﻗﺎﻝ ﻟﻴﺎ......





ﺍﻟﺠﺰﺀ ﺍﻟﺘﺎﻧﻲ__
ﻣﻠﻲ ﺑﻘﻴﺖ ﺃﻧﺎ ﻭ ﻳﺎﻩ ﺑﺎﻥ ﻟﻲ ﻭﺟﻬﻮ ﺻﻔﺮ ﻭ ﻟﻮﻧﻮ ﻣﻘﺘﻮﻉ ﻗﻠﺖ ﻟﻴﻪ ﻣﺎﻟﻚ ﺑﻼ‌ ﻣﺎ ﺗﺰﻳﺪ ﻋﻠﻴﺎ, ﺩﺍﻛﺸﻲ ﺩﻳﺎﻝ ﺍﻟﺒﺎﺭﺡ ﺑﺎﺭﺍﻛﺎ ﻋﻠﻴﺎ . ﺟﺎﻭﺑﻨﻲ ﻭ ﺍﻟﺨﻠﻌﺔ ﻓﻌﻴﻨﻴﻪ ﻫﺎﺩﺷﻲ ﻏﻲ ﺍﻟﺒﺪﻳﺔ ﺃ ﻳﻮﺳﻒ ﺩﺍﻛﺸﻲ ﻟﻮﻗﻊ ﻟﻴﻚ ﺍﻟﺒﺎﺭﺡ ﺷﻮﻳﺔ ﻣﻦ ﺑﺰﺍﻑ ﺩﺍﻛﺸﻲ ﻟﺤﻀﺮ ﺍﻟﺒﺎﺭﺡ ﻣﺎ ﺃﻳﺘﻔﺮﻗﺶ ﻋﻠﻴﻚ ﺣﻴﻨﺖ ﺑﺤﺎﻻ‌ ﺗﺤﺪﻳﺘﻴﻪ ﻣﻦ ﺑﻐﻴﺘﻲ ﺗﻬﺮﺏ ﻳﺎ ﺇﻳﻤﺎ ﺃﺗﺴﺘﺎ ﻳﺎ ﺇﻳﻤﺎ ﺃﺗﻨﺘﺎﺣﺮ ﻣﻠﻲ ﻗﺎﻝ ﻫﺎﺩ ﺍﻟﻬﻀﺮﺓ ﻛﺐ ﻟﻴﺎ ﺍﻟﻤﺎ ﻓﺎﻟﺮﻛﺎﺑﻲ ﻣﺎ ﻋﺮﻓﺖ ﻣﺎ ﻧﻘﻮﻝ ﻟﻴﻪ. ﻋﻴﻄﺎﺕ ﻋﻠﻴﻨﺎ ﻟﻮﺍﻟﻴﺪﺓ ﺑﺎﺵ ﻧﻔﻄﺮﻭ ﻛﻮﻟﺸﻲ ﺟﺎﺗﻮ ﻓﺸﻜﻞ ﻳﻮﺳﻒ ﺳﺎﻛﺖ ﺁﻩ ﺣﻴﺖ ﻛﻨﺖ ﺩﻳﻤﺎ ﻧﺎﺷﻂ ﻭ ﻣﻨﺸﻂ ﺍﻟﻌﺎﺋﻠﺔ ﻭﻟﻜﻴﻦ ﺩﺍﻛﺸﻲ ﻟﺸﺘﻮ ﺍﻟﺒﺎﺭﺡ ﺯﺭﻉ ﻓﻴﺎ ﺍﻟﺮﻋﺐ ﺃﻣﺎ ﻫﺪﺭﺕ ﺃﻣﻴﻦ ﻃﻴﺤﺎﺕ ﻣﻨﻲ ﺍﻟﻨﺺ ﻣﻬﻢ ﻣﻘﺪﻳﺘﺶ ﻧﺎﻛﻮﻝ ﻭﻟﻜﻴﻦ ﺍﻟﻮﺍﻟﻴﺪﺓ ﺑﺰﺍﺕ ﻋﻠﻴﺎ ﻭ ﻣﺒﻐﻴﺘﺶ ﻧﺨﺼﺮ ﻟﻴﻬﺎ ﻛﻠﻴﺖ . ﻣﻦ ﺑﻌﺪ ﻧﻀﺖ ﻧﺪﻭﺵ ﺩﺧﻠﺖ ﻭ ﻃﻠﻘﺖ ﺍﻟﺴﺨﻮﻥ ﻭ ﻏﻤﺪﺕ ﻋﻴﻨﻲ ﻭ ﺗﺮﺧﻴﺖ ﻣﻦ ﺑﻐﻴﺖ ﻧﺤﻞ ﻋﻴﻨﻲ ﻭﺍﻟﻮ ﻣﻲ ﺃﺵ ﻫﺎﺩﺷﻲ ﻣﺎﺑﻘﻴﺘﺶ ﻗﺎﺩﺭ ﺗﺎﻧﺘﺤﺮﻙ ﺷﻲ ﻗﺴﻢ ﻭ ﺃﻧﺎ ﻓﻬﺎﺩ ﺍﻟﺤﺎﻟﺔ ﺷﻮﻳﺎ ﺑﺪﺍ ﺍﻟﻀﻮ ﻛﻴﺸﻌﻞً ﻓﻌﻴﻨﻲ ﺷﻮﻳﺔ ﻣﻦ ﺗﺤﻠﻮ ﺷﻔﺖ ﻭﺍﺣﺪ ﺍﻟﻤﻨﻀﺮ ﻟﻲ ﻣﻨﺘﻤﻨﻰ ﺗﺎﺣﺪ ﻓﻴﻜﻮﻡ ﺇﺷﻮﻓﻮ ﺭﺟﻠﻴﻦ ﻣﺎﻋﺰ ﻭ ﻻ‌ﺑﺴﺎ ﺇﺯﺍﺭ ﺑﻴﺾ ﻭ ﺷﻌﺮ ﻛﺤﻞ ﻭ ﻣﺸﻌﻜﻚ ﺷﻔﺖ ﺃﺿﻬﺮ ﺟﻤﻌﺘﻬﺎ ﺑﻮﺍﺣﺪ ﺍﻟﺠﺮﻳﺔ ﻣﻦ ﺍﻟﺪﻭﺵ ﻟﺒﻴﺘﻲ ﺩﺍﺭ ﻣﺎ ﺩﺍﻭ ﻣﺎ ﺟﺎﺑﻮ......





ﺍﻟﺠﺰﺀ ﺍﻟﺜﺎﻟﺖ __
ﻭﺻﻠﺖ ﻟﺒﻴﺘﻲ ﻭ ﻣﺰﺍﻝ ﺍﻟﺼﺪﻣﺔ ﺷﺎﺩﺍﻧﻲ ﻣﻦ ﺍﻟﻤﻨﻀﺮ ﻟﻲ ﺷﻔﺖ ﻟﺒﺴﺖ ﺣﻮﺍﻳﺠﻲ ﻭ ﺗﻜﻴﺖ ﻓﺒﻼ‌ﺻﺘﻲ . ﻣﻦ ﺑﻌﺪ ﺩﺧﻞ ﺃﻣﻴﻦ ﻭ ﻋﺎﻭﺩﺕ ﻟﻴﻪ ﺷﻨﻮ ﺷﻔﺖ ﻗﺎﻟﻲ ﻛﻴﻔﺎﺵ ﺗﺒﺎﻗﻲ ﻗﺎﺩﺭ ﺩﻭﻱ ﻛﻮﻥ ﻛﻨﺖ ﻓﺒﻼ‌ﺻﺘﻚ ﻛﻮﻥ ﺗﺼﺎﻃﻴﺖ ﻭ ﻗﺎﻟﻲ ﺳﻤﺢ ﻟﻴﺎ ﺑﺰﺍﻑ ﻛﻮﻥ ﻛﻨﺖ ﻋﺎﺭﻑ ﻫﺎﺩﺷﻲ ﺃﻳﻮﻗﻊ ﻟﻴﻚ ﻣﻨﺪﻳﺮﻭﺵ ﻛﺎﻉ . ﻗﻠﺖ ﻟﻴﻪ ﺑﻼ‌ﻣﺎ ﺗﻘﻠﺒﻬﺎ ﺩﺭﺍﻣﺎ ﺃﺻﺎﺣﺒﻲ ﻭﺵ ﻋﺎﺭﻑ ﺷﻨﻮ ﻟﺤﻞ ﻟﻬﺎﺩﺷﻲ ﻭﻻ‌ ﺩﺭﻭﺭﻱ ﻏﻴﻜﻮﻥ ﺧﺎﺻﻨﻲ ﻧﺪﻭﻱ ﻣﻊ ﺍﻟﻮﺍﻟﻴﺪﺓ ، ﻗﺎﻟﻴﺔ ﺻﺒﺮ ﺳﻴﻤﺎﻧﺔ ﺍﻩ ﺳﻴﻤﺎﻧﺔ ﺃﺩﻭﺯ ﻛﺎﻣﻠﺔ ﻛﺎﺣﻠﺔ ﻏﻨﺸﻮﻑ ﻓﻴﻬﺎ ﺷﻲ ﺣﻮﺍﻳﺞ ﺃﻱ ﻭﺍﺣﺪ ﻛﻮﻥ ﻛﺎﻥ ﻓﺒﻼ‌ﺻﺘﻲ ﻏﻴﻨﺘﺎﺣﺮ ﻭﻻ‌ ﻏﺎﺩﻱ ﻳﺘﺴﺘﻄﺎ ﻣﻌﻠﻴﻨﺎ ﻫﺎﺩ ﻧﻬﺎﺭ ﻛﻤﻞ ﻋﺎﺩﻱ ﻣﻦ ﻏﻴﺮ ﺩﺍﻛﺸﻲ ﻟﺸﺘﻮ ﻓﺪﻭﺵ. ﻟﻐﺪ ﻟﻴﻪ ﺩﺍﺭ ﻛﺄﻧﻮ ﺩﺍﻳﺮﻳﻦ ﺷﻲ ﺧﺎﺭﺟﺎ ﻟﻠﻮﺍﻟﻴﺪﻳﺔ ﻏﻴﺒﻘﺎﻭ ﺷﻲ ﻳﻮﻣﻴﻦ ﺃﻧﺎ ﻭ ﺃﻣﻴﻦ ﻗﺮﺭﻧﺎ ﺑﺎﺵ ﺗﺒﻘﻮﺍ ﻓﺎﻟﺪﺍﺭ ﺑﺎﺵ ﻧﺸﻮﻓﻮ ﺷﻲ ﺣﻞ ﻭ ﺩﺍﻛﺸﻲ ﻟﻴﻄﺮﺍ ﺧﺎﻻ‌ﻭ ﻟﻴﻨﺎ ﺷﻲ ﺣﺎﺟﺔ ﺩﻳﺎﻝ ﺍﻟﻔﻠﻮﺱ ﻭ ﻣﺸﺎﻭ . ﺃﻣﻴﻦ ﻋﻴﻂ ﻟﻴﻪ ﻋﻤﻲ ﺑﺎﺵ ﺇﻣﺸﻲ ﺇﻗﺪﻱ ﻟﻴﻪ ﺷﻲ ﻏﺎﺭﺍﺩ ﻓﻲ ﺳﻴﺪﻱ ﺑﻨﻮﺭ. ﻭ ﺑﻘﻴﺖ ﺑﻮﺣﺪﻱ ﻓﺎﻟﺪﺍﺭ ﺃﻣﻴﻦ ﻭﺍﻋﺪﻧﻲ ﺑﻠﻲ ﺃﻳﺠﻲ ﻟﻐﺪ ﻟﻴﻪ ﻓﺎﻟﺼﺒﺎﺡ ﻫﻬﻬﻬﻪ ﻗﻠﺖ ﻟﻴﻪ ﻏﻲ ﺳﻴﺮ ﻛﺎﻳﻦ ﻟﻮﻧﺎﺳﺎ. ﻣﺸﻴﺖ ﻣﻌﺎﻩ ﻟﻤﺤﻄﺔ ﺭﻛﺐ ﻭ ﺃﻧﺎ ﺭﺍﺟﻊ ﻟﻠﺪﺍﺭ ﻣﺸﻴﺖ ﺍﻟﻜﻮﺭﻧﻴﺶ ﻭ ﺭﻳﺤﺖ ﻛﺎﻧﺖ ﺷﻲ ﺍﻟﺴﺒﻌﺔ ﺩﻳﺎﻝ ﺍﻟﺼﺒﺎﺡ ﺑﻘﻴﺖ ﻛﺎﻧﺨﻤﻢ ﻭ ﺳﻬﻴﺖ ﺷﻮﻳﺔ ﺑﺮﻙ ﺣﺪﺍﻳﺎ ﻭﺍﺣﺪ ﺍﻟﺮﺍﺟﻞ ﻛﺒﻴﺮ ﻭ ﺍﻟﻠﺤﻴﺔ ﺑﻴﻀﺔ ﻭﺟﻬﻮ ﺑﺎﻳﻨﺔ ﻓﻴﻪ ﺃﻧﻪ ﻣﺪﻭﺯﺯﺯﺯ ﺑﺰﺍﻑ . ﻗﺎﻟﻲ ﻣﻦ ﻗﺒﻴﻠﺔ ﻭ ﺃﻧﺎ ﻫﻨﺎ ﻣﻠﻚ ﺃﻭﻟﺪﻱ ﺳﺎﻫﻲ ﻗﻠﺖ ﻟﻴﻪ ﻻ‌ ﻋﺎﻭﺩﺕ ﻟﻴﻚ ﻣﻮﺣﺎﻝ ﻏﺎﺩﻱ ﺗﻴﻘﻨﻲ ﻗﺎﻟﻲ ﻏﻲ ﻋﺎﻭﺩ ﻣﻬﻢ ﺭﺗﺎﺣﻴﺖ ﻟﻴﻪ ﻭ ﺑﺪﻳﺖ ﻛﻨﻌﺎﻭﺩ ﻭ ﻫﻲ ﺗﻘﻮﻝ ﻟﻴﺎ ﻭﺍﺣﺪ ﻟﻤﺮﺍ ﺑﺴﻢ ﺍﻟﻠﻪ ﻋﻠﻴﻚ ﺃ ﻭﻟﺪﻱ ﻣﺎﻟﻚ ﺩﺍﻭﻱ ﺑﻮﺣﺪﻙ ﺑﻮﺣﺪﻱ ﺗﻠﻔﺖ ﻟﻠﺴﻴﺪ ﻟﻘﻴﺖ ﻏﻲ ﺍﻟﺒﺮﺩ . ﻟﻤﺮﺍ ﻛﺎﻧﺖ ﺑﺎﺭﻛﺎ ﻓﺎﻟﻜﺮﺳﻲ ﻟﻲ ﻓﺠﻨﺒﻲ ﻭ ﺷﻲ ﻧﺺ ﺳﺎﻋﺔ ﻭ ﺃﻧﺎ ﺩﺍﻭﻱ ﺑﻮﺣﺪﻱ ﺃﻭﺍﺍﺍﺍﻩ ﻭﺍﺵ ﺑﺪﻳﺖ ﻛﺎﻧﺘﺴﻄﺎ ﻭ ﻻ‌ ﺷﻨﻮ ﻧﺪﺕ ﻭ ﻗﺼﺪﺕ ﺍﻟﺪﺍﺭ ﻭ ﻫﺎﺩﺷﻲ ﻛﺎﻥ ﻏﻲ ﺍﻟﺒﺪﻳﺔ ...





ﺍﻟﺠﺰﺀ ﺍﻟﺮﺍﺑﻊ__
ﺻﺎﻓﻲ ﻗﺼﺪﺕ ﺍﻟﺪﺍﺭ ﻭ ﻟﻜﻦ ﻗﺒﻞ ﻣﺸﻴﺖ ﻗﺼﻴﺖ ﻋﺎﺩ ﻭﺍﺣﺪ ﻣﻮﻝ ﺍﻟﻤﺴﻤﻦ ﺣﺪﺍﻧﺎ ﻣﻮﺭﺍﻳﺎ ﻛﺎﻧﻮ ﺟﻮﺝ ﺩﻳﺎﻝ ﺍﻟﺮﺟﺎﻝ ﻛﺒﺎﺭ ﺩﺍﻭﻳﻦ ﻋﻠﻰ ﻭ ﺣﺪ ﺍﻟﻮﻟﺪ ﻣﺴﻜﻮﻥ ﻭ ﺃﻧﻬﻢ ﺟﺮﺑﻮ ﻣﻌﺎﻩ ﻛﺎﻉ ﺍﻟﺤﻠﻮﻝ ﻭﺍﻟﻮ ﺍﻟﺪﺭﻱ ﻣﺴﻜﻦ ﻫﺒﻞ . ﺃﻧﺎ ﻣﻦ ﺳﻤﻌﺖ ﻫﺎﺩ ﺍﻟﻬﺪﺭﺓ ﺗﺴﺪﺕ ﻟﻴﺎ ﺍﻟﺸﺎﻫﻴﺔ ﻭ ﺑﻘﻴﺖ ﻛﺎﻧﻘﻮﻝ ﺯﻋﺎﻣﺎ ﺩﻳﺎﻟﻲ ﻓﻴﻦ ﻭ ﺻﻼ‌ﺗﻨﻲ ﺃﻧﺎ ﻟﻴﻜﻨﺖ ﻧﺎﻭﻱ ﻧﻀﺤﻚ ﻭ ﻧﺸﻂ ﻓﻬﺎﺩ ﺍﻟﺼﻴﻒ ﺷﻮ ﻓﻴﻦ ﻭﺻﻠﺖ ﻭﺍﺵ ﺩﺭﺕ ﺷﻲ ﺩﻧﺐ ﻧﺴﺘﺎﻫﻞ ﻋﻠﻴﻪ ﻫﺎﺩﺷﻲ . ﻧﺪﺕ ﻋﻨﺪ ﺍﻟﺴﻴﺪ ﺧﻠﺼﺘﻮ ﺑﻼ‌ﻣﺎ ﻧﺎﻛﻮﻝ ﻛﺎﻉ ﻣﺎ ﻛﺎﻧﺶ ﻋﻨﺪﻭ ﻣﻴﻦ ﺇﺩﻭﺯ ﻭ ﻗﺼﺪﺕ ﺍﻟﺪﺍﺭ ﻭ ﻛﻨﺸﻢ ﺭﻳﺤﺖ ﺍﻟﺤﺮﺍﻕ ﺣﻠﻴﺖ ﺍﻟﺒﺎﺏ ﺏ ﺍﻟﺰﺭﺑﺎ ﻭ ﺩﺧﻠﺖ ﺍﻟﻜﻮﺯﻳﻨﺎ ﻭﻟﻜﻦ ﻣﺎ ﻛﺎﻳﻦ ﻭﺍﻟﻮ ﺃﻭﺍﻩ ﻏﻲ ﺗﺨﻴﻠﺖ ﺯﻋﻤﺎ ﻭ ﺍﻟﺪﺧﺎﻥ ﻣﻴﻦ ﺟﺎ ؟؟؟ ﺻﺎﻓﻲ ﻧﺴﻴﺖ ﻫﺎﺩﻱ ﻭ ﻣﺸﻴﺖ ﻟﺒﻴﺘﻲ ﺷﻌﻠﺖ ﺍﻟﺒﻼ‌ﻱ ﻭ ﺑﺪﻳﺖ ﻻ‌ﻋﺐ ﻭ ﺩﺍﻙ ﺍﻟﺸﻌﻮﺭ ﺩﻳﺎﻝ ﺍﻟﻮﻧﺎﺳﺎ ﻭ ﺩﻳﺎﻝ ﺃﻧﻲ ﻣﺎﺷﻲ ﺑﻮﺣﺪﻱ ﻣﺎﺯﺍﻝ ﻣﺎ ﻓﺎﺭﻗﻨﻲ ﻛﻨﺴﻤﻊ ﺗﻘﺮﻗﻴﺐ ﻓﺎﻟﺪﺍﺭ ﻭ ﻫﺎﺩﺷﻲ ﻛﻮﻟﻮ ﻣﺎﺯﺍﻝ ﻛﻨﺤﺎﻭﻝ ﻧﻘﻨﻊ ﺭﺍﺳﻲ ﺑﻠﻲ ﻏﻲ ﻛﻨﺘﺨﻴﻞ ﺻﻮﺕ ﺍﻟﺒﻮﻃﺎ ﺷﺎﻋﻠﺔ ﻭ ﺃﻧﺎ ﻣﻘﺎﺩﺵ ﻧﻮﺩ ﻧﺸﻮﻑ ﻣﻦ ﺑﻌﺪ ﺩﺍﻧﻲ ﻧﻌﺎﺱ ﻭﻟﻜﻦ ﻣﻦ ﺿﺮﺑﺎﺗﻨﻲ ﺍﻟﻔﺎﻳﻘﺔ ﻛﻨﺖ ﻣﺸﻠﻮﻝ ﻭ ﻣﻦ ﺣﺎﻟﻴﺖ ﻋﺎﻳﻨﻴﺎ ﺷﻔﺖ ﺧﺘﻨﺎ ﻟﻜﺎﻧﺖ ﻑ ﺍﻟﺪﻭﺵ ﻫﻨﺎ ﺻﺎﻓﻲ ﻟﻌﻘﻞ ﺩﻳﺎﻟﻲ ﻭﻗﻒ ﻭ ﻛﻮﻥ ﻣﺎﻛﻨﺘﺶ ﻣﺸﻠﻮﻝ ﻛﻮﻥ ﻧﺎﻗﺰﺕ ﻣﻦ ﺍﻟﺸﺮﺟﻢ ﻣﺎ ﺩﻭﺍﺗﺶ ﻣﻌﺎﻳﺎ ﻭ ﻟﻜﻦ ﺩﻭﻙ ﺍﻟﻌﻴﻨﻴﻦ ﺧﺎﻟﻮﻧﻲ ﻧﻌﺎﻭﺩ ﻧﻐﻴﺐ ﻣﻦ ﻓﻘﺖ ﻟﻘﻴﺖ ﺭﺍﺳﻲ ﺟﻨﺎﺑﻲ ﻛﺎﻉ ﺯﺭﻗﻴﻦ ﻭ ﻛﻮﻟﻲ ﻣﻌﻀﻮﺽ ﻣﻦ ﺟﻨﺎﺑﻲ ﻭ ﻋﻨﻘﻲ ﻛﻠﻮ ﻣﻘﺒﻮﺵ ﺷﻔﺖ ﺍﻟﺴﺎﻋﺔ ﻟﻘﻴﺘﻬﺎ ﻳﺎﻻ‌ﻩ ﺍﻟﺴﺘﺔ ﺃﻭﺍﻩ ﻫﺎﺩﺷﻲ ﻛﻮﻟﻮ ﻭ ﻟﻴﻞ ﻣﺎﺯﺍﻝ ﻣﺎﺟﺎﺵ......





ﺍﻟﺠﺰﺀ ﺍﻟﺨﺎﻣﺲ__
ﻧﻀﺖ ﻭ ﻟﻘﻴﺘﻬﺎ ﻳﺎﻻ‌ﻩ ﺍﻟﺴﺘﺔ ﺩﻳﺎﻝ ﺍﻟﻌﺸﻴﺔ ﺃﻭﺍﻩ ﻭ ﻣﻦ ﺳﺨﺮﻳﺔ ﺍﻷ‌ﻗﺪﺍﺭ ﺃﻥ ﺩﻳﻚ ﻟﻴﻠﺔ ﺗﻘﻄﻊ ﺍﻟﻀﻮ ﻧﺎﺭﻱ ﻭ ﻫﺎﺩﺷﻲ ﻛﻮﻟﻮ ﻣﺰﺍﻝ ﺻﺎﺑﺮ ﻭ ﻛﺎﻧﻘﻮﻝ ﺩﺃﺑﺎ ﻳﻔﺮﺝ ﺍﻟﻠﻪ. ﻣﻬﻴﻢ ﻫﺒﺖ ﻧﺠﻴﺐ ﺍﻟﺸﻤﻊ ﻣﻦ ﺍﻟﺤﺎﻧﻮﺕ ﻭ ﻃﻠﻌﺖ ﺩﺭﺕ ﻟﻴﻜﻴﺖ ﻭ ﺑﺪﻳﺖ ﻛﺎﻧﺴﻤﻊ ﻟﻠﺮﺍﺩﻳﻮ ﻛﺎﻧﺖ ﺷﻲ ﺍﻟﺘﻤﻨﻴﺔ ﺩﻳﻚ ﺍﻟﺴﺎﻋﺔ ﺳﻬﻴﻴﻴﻴﻴﺖ ﻭ ﺃﻧﺎ ﻧﺮﺟﻊ ﻟﻠﻮﺍﻗﻊ ﻋﻠﻰ ﺍﻟﺼﻮﺕ ﺩﻳﺎﻝ ﺍﻟﺪﺭ ﺩﺍﺭ ﺭﺩﺩﺩﺩﺩﺩﺩﺩﺩﺩﺩﺩﺩﺥ ﻭ ﺃﻧﺎ ﺳﺪﻳﺘﻮ ﻗﺒﻞ ﻣﺎﻧﺪﺧﻞ ﺑﺪﻳﺖ ﻛﺎﻧﻘﺮﺍ ﺑﺎﻟﻘﺮﺁﻥ ﻭ ﻟﺴﺎﻧﻲ ﻏﺎﺩﻱ ﻭ ﻛﻴﺘﻘﺎﻝ ﻋﻠﻴﺎ ﻣﻮﺭﺍﻫﺎ ﺍﻟﺸﻤﻊ ﺗﻔﺎ ﻭ ﺑﺪﺍ ﺍﻟﺘﻘﺮﻗﻴﺐ ﻓﺎﻟﺪﺍﺭ ﻛﺎﻣﻠﺔ ﻭ ﺃﻧﺎ ﻣﺸﺎ ﻟﻴﺎ ﺍﻟﺸﻮﻑ ﻭ ﺣﺴﻴﺖ ﺑﺮﺍﺳﻲ ﺗﺮﻓﻌﺖ ﻭ ﻣﺎ ﻗﺎﺩ ﺗﻨﻐﻮﺕ ﻭ ﻭﺍﺣﺪ ﺍﻟﺼﻮﺕ ﺩﻳﺎﻝ ﻣﺮﺍ ﺩﻭﺍ ﻟﻴﺎ ﻑ ﻭﺩﻧﻲ ﻧﺘﺎ ﻭﺍﻋﺮ ﻳﺎﻙ ﻟﻴﻮﻡ ﺗﺨﻠﺺ ﻟﻴﻮﻡ ﺗﺨﻠﺼﺼﺼﺺ ﻭ ﺣﺴﻴﺖ ﺑﺮﺍﺳﻲ ﺗﺨﺒﻄﺖ ﻣﻊ ﻟﺮﺩ ﻭ ﻋﺎﻭﺩ ﺗﻬﺰﻳﺖ ﻭ ﺗﺨﺒﻄﺖ ﺷﻲ ﺟﻮﺝ ﻣﺮﺍﺕ ﻣﻦ ﺑﻌﺪ ﺻﺎﻓﻲ ﻏﻴﺒﺖ ﻭ ﻏﺎﻧﻔﻴﻖ ﻋﻠﻰ ﺻﻮﺕ ﺍﻟﻔﺠﺮ ﻏﻲ ﻛﻤﻞ ﻭ ﻋﺎﻭﺩﺕ ﻏﻴﺒﺖ ﻓﻘﺖ ﻋﻠﻰ ﺻﻮﺕ ﺍﺍﻟﺪﻗﺎﻥ ﻛﺎﻉ ﻣﺪﻛﺪﻙ ﻭ ﺣﻠﻴﺖ ﻟﻘﻴﺘﻮ ﺃﻣﻴﻦ ﻣﻊ ﺷﺎﻓﻨﻲ ﻓﺪﻳﻚ ﺍﻟﺤﺎﻟﺔ ﻛﺎﻟﻴﺎ ﻣﻌﺎﻣﻦ ﺿﺎﺭﺑﺘﻲ ﺃﻣﺴﺨﻮﻁ ﻗﻠﺖ ﻟﻴﻪ ﻟﻮﻧﺎﺳﺔ ﻟﻮﻧﺎﺳﺔ ﻫﻬﻬﻬﻪ ﺩﺧﻠﻨﺎ ﻟﺪﺍﺭ ﻭ ﻣﺸﻴﺖ ﻟﻄﻮﻟﻴﺖ ﺣﺎﺷﺎﻛﻮﻡ ﻭ ﺷﻔﺖ ﻓﺎﻟﻤﺮﺍﻳﺎ ﻟﻘﻴﺖ ﺣﺎﻟﺘﻲ ﺗﺸﻔﻲ ﺍﻟﻌﺪﻭ ﻧﻴﻮﻓﻲ ﻛﺎﻉ ﺩﻡ ﻭ ﻋﻴﻨﻲ ﺯﺭﻗﺎ ﻏﺴﻠﺖ ﻭﺟﻬﻲ ﻭ ﺭﺟﻌﺖ ﻋﺎﺩ ﺃﻣﻴﻦ ﻗﺎﻟﻴﺎ ﺧﺼﻨﺎ ﻧﺼﺎﻓﺮﻭ ﻋﻨﺪ ﻭﺍﺣﺪ ﺍﻟﻔﻘﻴﻪ




ﺍﻟﺠﺰﺀ ﺍﻟﺴﺎﺩﺱ __
ﺃﻣﻴﻦ ﻣﻠﻲ ﻣﺸﺎ ﻟﺴﻴﺪﻱ ﺑﻨﻮﺭ ﻧﻌﺘﻮﻩ ﺍﻟﻨﺎﺱ ﻟﺸﻲ ﻓﻘﻴﻪ ﻗﺎﺗﻊ ﺇﺩﻳﻪ ﻣﻦ ﺇﺩ ﺍﻟﺮﺣﻤﺎﻥ ﺑﺎﻟﻌﺮﺑﻴﺔ ﺗﺎﻋﺮﺍﺑﺖ ﻣﺸﻌﻮﻳﺪ. ﺃﻧﺎ ﺩﺧﻠﺖ ﻧﺪﻭﺵ ﻭ ﺃﻣﻴﻦ ﺧﻠﻴﺘﻮ ﻛﻘﺎﺩ ﻓﺎﻟﻔﻄﻮﺭ ﺣﻴﺖ ﻛﻨﺖ ﻳﻮﻣﻴﻦ ﻣﺎ ﺩﺍﻳﻖ ﺍﻟﻨﻌﻤﺔ ﻣﻦ ﺭﺍﻳﺤﻨﺎ ﻗﻠﺖ ﻟﻴﻪ ﻛﻔﺎﺵ ﺣﻨﺎ ﻫﺎﺩﺷﻲ ﺣﻀﺮﻧﺎﻩ ﺑﺠﻮﺝ ﻭ ﺃﻧﺎ ﻟﻮﻗﻊ ﻟﻴﺎ ﻫﺎﺩﺷﻲ ﻗﺎﻟﻴﺎ ﺑﻠﻲ ﺭﺍﻩ ﻣﺤﺼﻦ ﺭﺍﺳﻮ ﺻﺎﻓﻲ ﻫﻨﺎ ﻓﻬﻤﺖ . ﻣﻦ ﻓﻄﺮﻧﺎ ﻗﺼﺪﻧﺎ ﺍﻟﻤﺤﻄﺔ ﻗﻄﻌﻨﺎ ﻟﺴﻴﺪﻱ ﺑﻨﻮﺭ ﻭ ﻧﻴﺖ ﻣﻮﺭﺍ ﺳﺎﻋﺔ ﺭﻛﺒﻨﺎ ﻭ ﻣﻦ ﺍﻟﺠﺪﻳﺪﺓ ﻟﺴﻴﺪﻱ ﺑﻨﻮﺭ ﺷﻲ ﺳﺎﻋﺔ ﻻ‌ﺭﻭﺏ ﺩﺍﺯﺕ ﻋﻠﻴﺎ ﺑﺤﺎﻝ ﺍﻟﻌﺎﻡ . ﻭﺻﻠﻨﺎ ﻟﺴﻴﺪﻱ ﺑﻨﻮﺭ ﻭ ﻗﺼﺪﻧﺎ ﻭﺍﺣﺪ ﺍﻟﺒﻼ‌ﺻﺔ ﺳﻤﻴﺘﻬﺎ ﺍﻟﻘﺮﻳﺔ . ﻏﻲ ﻫﺪﻳﻚ ﺍﻟﻘﺮﻳﺔ ﻋﺎﻻ‌ﻡ ﺑﻮﺣﺪﻭ ﺩﺭﺍﺭﻱ ﻣﺴﺨﻴﻦ ﻭ ﻛﻠﺔ ﻋﺸﺮﻳﻦ ﻣﻴﺘﺮﻭ ﺟﻮﺝ ﻋﻴﺎﻻ‌ﺕ ﻣﺪﺍﺭﺑﻴﻦ ﻭ ﺍﻟﺒﻌﺎﻟﻚ ﻛﺎﻳﻦ ﻟﻲ ﻛﻴﺪﻭﺭ ﺃ ﻋﺮﻳﺎﻥ . ﻭ ﺻﻠﻨﺎ ﻗﺪﺍﻡ ﻭﺍﺣﺪ ﺍﻟﺒﺮﺍﻛﺔ ﻏﻲ ﺍﻟﺸﻮﻓﺔ ﻓﻴﻬﺎ ﻛﺘﻘﻄﻊ ﺍﻟﻨﻔﺲ ﺩﺧﻠﻨﺎ ﻭ ﻟﻘﻴﻨﺎ ﺑﺰﺍﻑ ﺫ ﺍﻟﻌﻴﺎﻻ‌ﺕ ﺳﺎﺑﻘﻴﻨﺎ ﺁﻩ ﻫﻞ ﺑﺎﻏﺎ ﺗﺠﻮﺝ ﻫﺎﻟﻲ ﺑﺎﻏﺎ ﺩﻳﺮ ﺍﻟﻘﺒﻮﻝ ﻫﺎﻟﻲ ﺑﺎﻏﺎ ﺗﻘﻒ ﻟﻲ ﺑﻐﻴﺖ ﻧﻮﺻﻞ ﻟﻴﻜﻮﻡ ﻣﺎ ﺗﻴﻘﻮﺵ ﻓﺎﻟﻤﻮﺳﻄﺎﺷﺎﺕ . ﻣﻌﻠﻴﻨﺎ ﺟﺎﺕ ﻧﻮﺑﺘﻨﺎ ﻭ ﺩﺧﻠﺖ ﻣﻊ ﺍﻟﺒﺎﺏ ﻟﻘﻴﺖ ﻭﺍﺧﺪ ﺍﻟﺮﺍﺟﻞ ﺷﺎﺭﻑ ﻭ ﺣﺪﺍﻩ ﻟﻤﺠﺎﻣﺮ ﻭ ﺍﻟﺒﻴﺖ ﻛﻠﻮ ﺩﺧﺎﻥ ﺩﻳﺎﻝ ﺍﻟﺒﺨﻮﺭ . ﻗﺎﻟﻴﺔ ﺭﺍﻳﺢ ﺃﻳﻮﺳﻒ ﺟﺎﻭﺑﺘﻮ ﺑﺎﺵ ﻋﺮﻓﺘﻲ ﺳﻤﻴﺘﻲ ﻗﺎﻟﻴﺔ ﻟﻜﺎﻧﻮ ﻓﺎﻟﺪﺍﺭ ﻟﺒﺎﺭﺡ ﻗﺎﻟﻮﻫﺎ ﻟﻴﺎ ﻭ ﻫﺎﺩﺍ ﻣﺎﺷﻲ ﻣﻮﺿﻮﻋﻨﺎ ﻗﺎﻟﻴﺔ ﻧﺘﻮﻣﺎ ﻣﺎ ﺣﻀﺮﺗﻮﺵ ﺟﻦ ﻋﺎﺩﻱ ﻧﺘﻮﻣﺎ ﺭﺍ ﺣﻀﺮﺗﻮ ﺍﻟﻤﻠﻜﺔ ﺩﻳﺎﻝ ﻭﺍﺣﺪ ﺍﻟﻘﺒﻴﻠﺔ ﻭ ﻣﻠﻲ ﺭﺁﻙ ﺑﺎﻗﻲ ﺑﻌﻘﻠﻚ ﻟﺪﺍﺑﺎ ﺭﺁﻙ ﻣﺮﺿﻲ ﺍﻟﻮﺍﻟﻴﺪﻳﻦ . ﻗﻠﺖ ﻟﻴﻪ ﺷﻨﻮ ﺍﻟﺤﻞ ﻗﺎﻟﻲ ﺃﻧﺎ ﻏﺎﺩﻱ ﻧﻌﻄﻴﻚ ﺷﻲ ﺣﺠﺎﺏ ﺇﺑﻌﺪﻫﻢ ﻋﻠﻴﻚ 3 ﺃﻳﺎﻡ ﻭ ﻓﻬﺎﺩ ﺍﻟﻤﺪﺓ ﺧﺎﺻﻚ ﺗﻤﺸﻲ ﻋﻨﺪ ﻭﺍﺣﺪ ﺍﻟﺴﻴﺪ ﻟﻠﺼﺨﻴﺮﺍﺕ ﻭ ﻗﺎﻟﻴﺔ ﺑﻠﻲ ﺍﻟﻄﺮﻳﻖ ﻣﺎ ﻏﺎﺗﻜﻮﻧﺶ ﺳﺎﻫﻠﺔ ﺣﻴﺖ ﻣﺎ ﺃﻳﺨﺎﻳﻜﻮﻣﺶ ﺗﻮﺻﻠﻮ ﻋﻠﻰ ﺧﻴﺮ ﻣﻬﻢ ﻟﺤﺠﺎﺏ ﺩﺍﺭﻭ ﻋﻠﻰ ﺷﻜﻞ ﺳﻨﺴﻠﺔ ﻭ ﻗﺎﻟﻴﺔ ﺍﻟﺴﻴﺪ ﺩﻳﺎﻝ ﺍﻟﺼﺨﻴﺮﺍﺕ ﻏﺎﻟﻲ ﺷﻮﻳﺔ ﻏﺎﺗﺨﺼﻚ 3500 ﺩﺭﻫﻢ ﻣﻬﻢ ﻣﺪﻳﺖ ﻟﻴﻪ 100 ﺩﺭﻫﻢ ﻭ ﺧﺮﺟﺖ




ﺍﻟﺠﺰﺀ ﺍﻟﺴﺎﺑﻊ__
 ﻣﻬﻴﻢ ﻣﻦ ﻋﻠﻘﺖ ﺩﺍﻛﺸﻲ ﺭﺗﺎﺣﻴﺖ ﺷﻮﻳﺎ ﻭ ﻟﻜﻦ ﻛﺎﻧﻮ ﻋﻨﺪﻱ 3 ﺇﻳﺎﻡ ﺁﻩ ﻭﻟﻜﻦ ﻛﺎﻥ ﺧﺎﺻﻨﺎ ﻧﻤﺸﻴﻮ ﺑﻜﺮﻱ ﻟﺼﺨﻴﺮﺍﺕ. ﺷﺪﻳﻨﺎ ﺗﺎﻛﺴﻲ ﺑﺎﺵ ﺗﺮﺟﻌﻮ ﻟﺠﺪﻳﺪﺓ ﻭ ﻓﺎﻟﻄﺮﻳﻖ ﻋﻴﻄﺎﺕ ﻟﻴﺎ ﺍﻟﻮﺍﻟﻴﺪﺓ ﺁﻟﻮ ﻳﻮﺳﻒ ﻭﺍﺵ ﻧﺘﺎ ﻻ‌ﺑﺎﺱ ﻛﻨﺖ ﺑﺎﻏﻲ ﻧﻘﻮﻟﻴﻬﺎ ﻣﺎﻻ‌ﺑﺎﺱ ﻭﺍﻟﻮ ﺃﻣﻴﻤﺘﻲ ﺟﻲ ﺭﺍ ﺗﻘﺎﺩﺭﻱ ﺗﻠﻘﺎﻱ ﻭﻟﺪﻙ ﻧﺘﺎﺣﺮ ﻭ ﻻ‌ ﻫﺒﻞ ﺟﻲ ﻧﺸﻮﻓﻚ ﺃﺧﺮ ﻣﺮﺓ ﺟﻲ ﻧﺸﻢ ﺭﻳﺤﺘﻚ ﺃﻣﻴﻤﺘﻲ ﻭ ﻟﻜﻦ ﺷﺪﻳﺖ ﻓﺮﺍﺳﻲ ﻭ ﺟﺎﻭﺑﺘﻬﺎ ﺁﻟﻮ ﺍﻟﻮﺍﻟﻴﺪﺓ ﻛﺪﺍﻳﺮﺍ ﺍﻟﻮﺍﻟﻴﺪﻳﺔ ﻗﺎﺗﻠﻴﺎ ﻭ ﺍﻟﻠﻪ ﺃﻭﻟﺪﻱ ﻣﺎ ﻣﺮﺗﺎﺣﺔ ﻟﺒﺎﺭﺡ ﻟﻴﻞ ﻛﻮﻟﻮ ﻭ ﺃﻧﺎ ﻗﻠﺒﻲ ﻣﺸﺪﻭﺩ ﻋﻠﻴﺔ ﻭﺍﺵ ﻧﺘﺎ ﻫﻮ ﻫﺪﺍﻙ ﺟﺎﻧﻲ ﺻﻮﺗﻚ ﻣﺒﺪﻝ ﻗﻠﺖ ﻟﻴﻬﺎ ﻭﺍﻟﻮ ﺍﻟﻮﺍﻟﻴﺪﺓ ﻏﻲ ﻟﻌﻴﺎ ﻣﻬﻢ ﻗﺎﺗﻠﻲ ﺭﺍ ﺃﻧﺰﻳﺪﻭ ﺷﻲ 3 ﻳﺎﻡ ﻫﻨﺎ ﻭ ﺗﻬﻼ‌ ﻓﺮﺍﺳﻚ ﻗﻠﺖ ﻟﻴﻬﺎ ﺑﺴﻼ‌ﻣﺔ ﺃﻣﻲ ﻭ ﻗﻄﻌﺖ ﻋﻠﻴﻬﺎ . ﻃﺮﻳﻖ ﻛﺎﻣﻠﺔ ﻭ ﺃﻧﺎ ﻛﻨﺨﻤﻢ ﻑ ﻣﻮﺷﻜﻴﻞ ﻟﻔﻠﻮﺱ ﺃﻧﺎ ﺟﺎﻣﻊ ﺷﻲ 2000 ﺩﺭﻫﻢ ﺩﻳﺎﻝ ﺗﺪﻭﻳﺮﺓ ﺩﻳﺎﻝ ﺍﻟﺒﺎﻙ ﻭ ﺃﻣﻴﻦ 500 ﺩﺭﻫﻢ ﺑﻘﺎﺕ ﺃﻟﻒ ﺩﺭﻫﻢ ﺩﺭﺕ ﺃﻣﺎﻟﻲ ﻓﺎﻟﻠﻪ ﻭ ﻧﻌﺴﺖ ﺷﻮﻳﺔ ﻓﺎﻟﻄﺎﻛﺴﻲ ﻣﻦ ﻓﻘﺖ ﻛﻨﺎ ﻭﺻﻠﻨﺎ ﻏﻲ ﻭﺻﻠﻨﺎ ﻟﺪﺍﺭ ﻋﻴﻂ ﺃﺷﺮﻑ ﺍﻩ ﺧﻮﻳﺎ ﻭ ﺻﺎﺣﺒﻲ ﺗﻌﺮﻓﻨﺎ ﻣﻦ ﻛﻨﺎ ﻓﺎﻟﺘﺎﻣﻨﺔ ﻭ ﺑﻘﻴﻨﺎ ﻛﻞ ﻋﺎﻡ ﻛﺎﻧﺠﻴﻮ ﺑﺠﻮﺝ ﻛﻨﺎ ﺑﺤﺎﻝ ﺗﻮﺍﻡ ﻭ ﺗﺎ ﻓﺎﻟﺒﺎﻙ ﺟﺎ ﻗﺪﺍﻣﻲ ﺃﻟﻮ ﺃﺩﺍﻙ ﻟﺤﻤﺎﺭ ﻣﻠﻚ ﺗﺎﻓﻲ ﺗﺒﻠﻴﻔﻮﻥ ﻳﻮﻣﻴﻦ ﻫﺎﺩﻱ ﻭ ﺃﻧﺎ ﻛﻨﻌﻴﺖ ﻗﻠﺖ ﻟﻴﻪ ﻧﺘﻼ‌ﻗﺎﻭ ﻓﺎﻟﻘﻬﻮﺓ ﺩﻳﺎﻝ ﻳﺎﺳﻤﻴﻨﺔ ﻭ ﺃﻧﻌﺎﻭﺩ ﻟﻴﻚ ﻣﻦ ﻫﻨﺎ ﻟﺴﺎﻋﺔ ﻧﺘﻼ‌ﻗﺎﻭ ﻣﺸﻴﺖ ﺑﻮﺣﺪﻱ ﻋﻨﺪﻭ ﻭ ﺭﺍﻳﺤﺖ ﻧﺘﺴﻨﺎﻩ ﻏﻲ ﺟﺎ ﻭ ﺷﺎﻓﻨﻲ ﻓﺪﻳﻚ ﺍﻟﺤﺎﻟﺔ ﻛﺎﻉ ﻭﺟﻬﻲ ﺑﺎﻳﻨﺔ ﻓﻴﻪ ﺍﻟﻌﺼﺎ ﻗﺎﻟﻲ ﻣﺎﻟﻚ ﻳﺎﻛﻤﺎ ﺗﺎﻧﻲ ﻣﻀﺎﺭﺏ ﻋﻠﻰ ﻭﺩ ﺷﻲ ﻣﻮﺳﻄﺎﺷﺔ ﻫﻬﻬﻪ ﺑﺪﻳﺖ ﻛﻨﻌﺎﻭﺩ ﻟﻴﻪ ﻣﻦ ﻧﻬﺎﺭ ﺍﻟﻄﻘﻮﺱ ﺗﺎﻝ ﻧﻬﺎﺭ ﻟﻔﻘﻴﻪ ﻭ ﻗﻠﺖ ﻟﻴﻪ ﺧﺎﺻﺎﻧﻲ 1000 ﺩﺭﻫﻢ ﻗﺎﻟﻴﺔ ﺍﻟﺼﺎﺣﺒﻲ ﻭﺍﺵ ﻧﺘﺎ ﺳﺎﻭﻱ ﻋﻨﺪﻱ ﻏﻲ ﺃﻟﻒ ﺩﺭﻫﻢ ﻣﻬﻴﻢ ﺩﺍﺭ ﻣﻌﺎﻳﺎ ﻣﻊ 6 ﻋﻨﺪ ﺍﻟﺪﺍﺭ ﻭ ﺩﺍﻛﺸﻲ ﻟﻜﺎﻥ ﻣﻊ ﺍﻟﺴﺘﺔ ﺩﺍﺯ ﻋﻨﺪﻱ ﺑﺎﻟﺤﺪﻳﺪﺓ ﺩﻳﺎﻝ ﺑﺎﻩ ﺑﺎﺳﺎﺕ ﻗﺎﻟﻴﺎ ﻫﺒﻂ ﻭ ﺟﻴﺐ ﻣﻌﺎﻙ ﻭﻟﺪ ﻋﻤﻚ ﻗﺎﻟﻴﺎ ﺍﻟﻮﺍﻟﻴﺪ ﻣﺴﺎﻓﺮ ﻫﻮ ﻭ ﺍﻟﻌﺎﺋﻠﺔ ﺷﻲ ﺳﻴﻤﺎﻧﺔ ﻋﺎﺩ ﺃﻳﺠﻴﻮ ﺗﻠﻊ ﺍﻟﻤﺴﺨﻮﻁ ﺩﻳﻤﺎ ﻛﺪﻳﺮ ﺍﻟﻤﺼﺎﻳﺐ ﻏﻨﻤﺸﻴﻮ ﻣﺠﻤﻮﻋﻴﻦ ﻟﻠﺼﺨﻴﺮﺍﺕ ﻭ ﺟﺒﺪ ﻝ 1000 ﺩﺭﻫﻢ ﻫﻨﺎ ﻋﻨﻘﺖ ﻋﺸﻴﺮﻱ ﺣﻴﺖ ﺍﻟﺮﺟﻮﻟﺔ ﻣﻮﺍﻗﻒ ﺗﺤﺮﻛﻨﺎ ﻣﻊ ﺩﻳﻚ 8 ﺩﻳﺎﻝ ﺍﻟﻌﺸﻴﺔ ﻭ ﺗﻔﻜﺮﺕ ﻫﺎﺩﺭﺕ ﺍﻟﻔﻘﻴﻪ ﺑﻠﻲ ﺍﻟﻄﺮﻳﻖ ﻣﺎ ﺃﺗﻜﻮﻧﺶ ﺳﺎﻫﻠﺔ ﻣﻊ ﺩﻳﻚ ﺍﻟﻌﺸﺮﺓ ﺩﻳﺎﻝ ﺍﻟﻠﻴﻞ ﺃﺷﺮﻑ ﺑﺪﺍ ﻛﻴﻌﻴﺎ ﻭ ﻗﺮﺭﺕ ﻧﺴﺎﺭﺍﺣﻮ ﺷﻲ ﺷﻮﻳﺔ ﻭ ﻛﺎﻥ ﻭﺻﺎﻧﻲ ﺑﺎﺵ ﻧﺪﻳﺮ ﻟﻤﺎﺯﻭﻁ ﻭ ﺻﻠﺖ ﻟﻠﺼﻄﺎﺳﻴﻮ





ﺍﻟﺠﺰﺀ ﺍﻟﺜﺎﺳﻊ__
ﻫﺎﺩ ﺍﻟﺤﻞ ﻫﻮ ﺃﻧﻪ ﻳﺤﻀﺮ ﻫﺎﺩ ﺍﻟﺠﻨﻴﺔ ﻭ ﺧﻠﻴﻬﺎ ﺗﻬﻀﺮ ﻣﻌﻴﺔ ﻭ ﺑﺤﻜﻢ ﻫﻲ ﻣﻠﻜﺔ ﻓﻬﺎﺩﺷﻲ ﻛﺎﻥ ﻓﻴﻪ ﺧﻄﺮ ﻋﻠﻴﺔ ﻗﺎﻟﻴﺔ ﻧﻮﺩ ﺗﻮﺿﺎ ﻭ ﺟﻲ ﻭ ﺩﺍﻛﺸﻲ ﻟﻴﺪﺭﺕ ﻗﺎﻟﻴﺔ ﺗﻜﺎ ﻋﻠﻰ ﺿﻬﺮﻙ ﻭ ﺩﺭﺗﻬﺎ ﻭ ﺩﺍﺭ ﻟﻲ ﻟﻘﻄﺮﺍﻥ ﻋﻠﻰ ﻧﻴﻔﻲ ﻭ ﺑﺪﺍ ﻛﻴﻘﺮﺍ ﻓﺎﻟﻘﺮﺁﻥ ﻭ ﺃﻧﺎ ﻛﻨﺤﺲ ﺑﺎﻟﺮﺍﺣﺔ ﻭ ﺑﺪﻳﺖ ﻛﻨﻐﻴﺐ ﻭ ﺧﺎ ﻣﻐﻴﺐ ﺻﻮﺕ ﺍﻟﻘﺮﺁﻥ ﻣﺰﻝ ﻣﺘﺴﻜﻌﻮ ﻭ ﻫﻲ ﻭ ﺑﺤﺎﻝ ﺇﻟﻰ ﺑﺪﻳﺖ ﻛﻨﺤﻠﻢ ﻭ ﻭﻗﻔﺖ ﻋﻠﻴﺔ ﺧﺘﻨﺎ ﻭ ﻟﻜﻦ ﻫﺎﺩ ﻟﻤﺮﺓ ﻑ ﺻﻴﻔﺔ ﺯﻭﻳﻨﺔ ﻗﺎﺗﻠﻴﺎ ﺻﺎﻓﻲ ﺑﻐﻲ ﺗﻤﺴﻲ ﻭ ﺗﺨﻠﻴﻨﻲ ﻳﺎﻙ ﻧﺘﺎ ﻟﺤﻀﺮﺗﻴﻨﻲ ﻗﻠﺖ ﻟﻴﻬﺎ ﺷﻨﻮ ﺑﻐﻴﺘﻲ ﺟﺎﻭﺑﺘﻨﻲ ﻧﺘﺎ ﺍﻩ ﻧﺘﺎ ﻏﻨﺪﻳﻚ ﻣﻌﺎﻳﺎ ﻣﺪ ﻟﻴﺎ ﺇﻳﺪﻙ ﻭ ﻟﻲ ﺗﻤﻨﻴﺘﻲ ﻏﺎﺩﺍ ﺗﻜﻮﻥ ﺃﻧﺎ ﺩﻳﻚ ﺍﻟﺼﻔﺔ ﻟﻮﻻ‌ﺕ ﻓﻴﻬﺎ ﻋﺠﺒﺎﺗﻨﻲ ﻣﺪﻳﺖ ﺇﻳﺪﻱ ﻭ ﺑﺤﺎﻻ‌ ﺑﺪﻳﻨﺎ ﻏﺎﺩﻳﻦ ﻭ ﺃﻧﺎ ﻧﺘﻔﻜﺮ ﻟﻮﺍﻟﻴﺪﺓ ﻭ ﺧﻮﺍﺗﺎﺗﻲ ﻭ ﺍﻷ‌ﺣﻼ‌ﻡ ﻟﻜﻨﺖ ﺩﺍﻳﺮ ﻓﺒﺎﻟﻲ ﺃﻭﺍﻩ ﻫﺎﺩﺷﻲ ﻛﻠﻮ ﺃﻧﺴﻤﺢ ﻓﻴﻪ ﻭ ﺃﻧﻤﺸﻲ ﻭ ﻣﺤﺪﻧﺎ ﻏﺎﺩﻳﻦ ﻭ ﺻﻮﺕ ﺍﻟﻘﺮﺁﻥ ﻟﻜﻨﺖ ﻛﻨﺴﻤﻊ ﻏﺎﺩﻱ ﻭ ﻛﻴﺒﻌﺪ ﻭﻗﻔﺖ ﻭ ﻭﻗﻔﺖ ﺧﺘﻨﺎ ﻗﻠﺖ ﻟﻴﻬﺎ ﺳﻤﺤﻲ ﻟﻴﺎ ﻭﻟﻜﻦ ﻣﺎﻳﻤﻜﻨﺶ ﻧﻤﺸﻲ ﻣﻌﺎﻙ ﻫﻨﺎ ﺩﻳﻚ ﺍﻟﺴﻴﻔﺔ ﺗﺒﺪﻻ‌ﺕ ﻭ ﻭﺭﺟﻌﺎﺕ ﺧﺘﻨﺎ ﻟﺸﻔﺘﻬﺎ ﻑ ﺍﻟﺪﻭﺵ ﻭ ﻟﻲ ﻭﻗﻔﺖ ﻋﻠﻴﺔ ﻓﺎﻟﺪﺍﺭ ﻗﻠﺖ ﻟﻴﻬﺎ ﺑﻌﺪﻱ ﻣﻨﻲ ﻫﺎﺩﺷﻲ ﻏﻲ ﻏﻠﻂ ﻟﻲ ﻃﺮﺍ ﻗﺎﺗﻠﻲ ﻣﻜﻴﻬﻤﻨﻴﺶ ﺭﻭﺣﻚ ﻟﻴﻮﻡ ﺃﻧﺪﻳﻬﺎ ﻭ ﻗﺎﺟﺎﺗﺎﺍﺍﺗﻨﻲ ﺣﺴﻴﺖ ﺑﻠﻲ ﻏﻨﻤﻮﺕ ﻭ ﻫﺎﺩﻱ ﻫﻲ ﺍﻟﻠﺨﺮﺓ ﻟﻴﺎ ﻭ ﺻﺎﻓﻲ ﻭﻟﻜﻦ ﺑﺪﻳﺖ ﻛﻨﻘﺮﺍ ﻑ ﺃﻳﺔ ﻟﻜﺮﺳﻲ ﻭ ﻫﻲ ﺑﺪﺍﺕ ﻛﺘﺤﺮﻕ ﻗﺪﺍﻣﻲ ﻭ ﺑﻘﻴﺖ ﻛﻨﻌﻮﺩ ﻓﻴﻬﺎ ﺗﺸﻌﻼ‌ﺕ ﻓﻴﻬﺎ ﻟﻌﺎﻓﻴﺔ ﻭ ﺑﺪﻳﺖ ﻛﻨﺠﺮﻱ ﺗﺎﺑﻊ ﺻﻮﺕ ﺍﻟﻘﺮﺁﻥ ﻟﻜﻨﺴﻤﻊ ﻣﻠﻲ ﻓﻘﺖ..




ﺍﻟﺠﺰﺀ ﺍﻟﻌﺎﺷﺮﻭﺍﻷ‌ﺧﻴﺮ
 ــ ﻣﻠﻲ ﻓﻘﺖ ﻟﻘﻴﺖ ﺃﻣﻴﻦ ﻭ ﺃﺷﺮﻑ ﻋﻴﻨﻴﻴﻬﻮﻡ ﺣﻤﺮﻳﻦ ﺃﻭ ﻫﺎﺩﻭ ﻣﺎﻟﻬﻮﻡ ﻏﻲ ﻧﺪﺕ ﺗﻠﻔﺖ ﺟﻴﻬﺖ ﺍﻟﺴﻴﺪ ﻟﻘﻴﺘﻮ ﻛﻴﺪﻳﺮ ﺷﻲ ﺷﻮﻓﺎﺕ ﺩﻳﺎﻝ ﺍﻟﺼﺪﻣﺔ ﺃﻭ ﻫﺎﺩﻭ ﻣﻠﻬﻮﻡ ﺷﻔﺖ ﻑ ﺃﻣﻴﻦ ﻭ ﻗﻠﺖ ﻟﻴﻪ ﺷﻨﻮ ﻛﺎﻳﻦ ﻣﻠﻜﻮﻡ ﻣﺼﺪﻭﻣﻴﻦ ﻗﺎﻟﻴﺔ ﺍﻟﺴﻴﺪ ﻧﻮﺽ ﻧﺼﻠﻴﻮ ﻟﻌﺎﺻﺮ ﻭ ﻧﺠﻴﻮ ﻭ ﻏﺎﻧﻌﺎﻭﺩ ﻟﻴﻚ ﺍﻟﺴﻴﺪ ﻗﺎﻝ ﻟﺪﺭﻱ ﻟﻜﻌﺎﻭﻧﻮ ﻟﻐﻲ ﻟﻴﺎ ﻛﻠﺸﻲ ﻭ ﻣﺸﻴﻨﺎ ﻧﺘﻮﺿﺎﻭ ﻭ ﻛﺎﻧﺤﺲ ﺑﻮﺍﺣﺪ ﺍﻟﺮﺍﺣﺔ ﻳﺎ ﺳﻼ‌ﻡ ﻭ ﻧﻴﺖ ﺻﻠﻴﻨﺎ ﺍﻟﻌﺎﺻﺮ ﻭ ﺣﺴﻴﺖ ﺑﻠﻲ ﺣﻴﺪﺕ ﻭﺍﺣﺪ ﺍﻟﺘﻘﻞ ﻛﺒﻴﻴﻴﻴﻴﻴﻴﻴﻴﺮﺍﻟﻞﻩ. ﻣﻦ ﺻﻠﻴﻨﺎ ﻗﺼﺪﻧﺎ ﻭﺣﺪ ﺍﻟﻘﻬﻮﺓ ﻭ ﺣﺴﻴﺖ ﺑﺠﻮﻉ ﻛﺒﻴﻴﻴﺮ ﻭ ﺍﻟﺴﻴﺪ ﺧﻠﺺ ﻋﻠﻴﻨﺎ ﻣﻦ ﺑﻌﺪ ﻣﺎ ﻛﻠﻴﻨﺎ ﻋﺮﻓﺖ ﺑﻠﻲ ﻭﻗﺖ ﺍﻟﻤﻌﻘﻮﻝ ﺟﺎ ﻭ ﻗﻠﺖ ﻏﻲ ﺩﻭﻱ ﺃﻋﻤﻲ ﺣﻴﻨﺖ ﻣﺎﺯﺍﻝ ﻣﻌﺮﻓﺖ ﺳﻤﻴﺘﻮ ﻗﺎﻟﻲ ﻓﺨﺒﺎﺭﻙ ﺭﺟﻌﺘﻲ ﻣﻦ ﻟﻤﻮﺕ ﺃﻭﺍﻩ ﻟﻤﻮﺕ ﻗﺎﻟﻲ ﺍﻩ ﻣﻠﻲ ﻛﻨﺘﻲ ﻣﻐﻴﺐ ﻭﺍﺣﺪ ﺍﻟﻘﺴﻢ ﻓﻘﺪﻧﺎ ﻓﻴﻚ ﺍﻷ‌ﻣﺎﻝ ﺃﻧﺎ ﻭ ﺻﺤﺎﺑﻚ ﺇﺣﺴﺎﺏ ﻟﻴﻨﺎ ﻣﺘﻲ ﻭ ﺑﻜﺎﻭ ﻋﻠﻴﻚ ﻭ ﺃﻭﻝ ﻣﺮﺓ ﺃﻧﺎ ﺗﺒﻠﻮﻛﻴﺖ ﻭ ﺭﺁﻙ ﺩﺍﺑﺎ ﻫﻨﺎ ﺣﻴﻨﺖ ﻧﺘﺎ ﺑﻐﻴﺘﻲ ﺗﻌﻴﺶ ﻭ ﺩﺍﺑﺎ ﻧﺘﺎ ﺑﺎﻗﺎ ﻟﻴﻚ ﺣﺎﺟﺔ ﻭﺣﺪﺓ ﺑﺎﺵ ﻫﺎﺩﺷﻲ ﺇﺑﻌﺪ ﻣﻨﻚ ﻗﻠﺖ ﻟﻴﻪ ﺷﻨﻮ ﺗﺎﻧﻲ ﺣﻴﻨﺖ ﺻﺎﻓﻲ ﻛﻨﺖ ﻋﻴﺖ ﺑﺪﺍ ﻛﻴﻀﺤﺎﺍﺍﺍﻙ ﻗﺎﻟﻲ ﺍﻟﺼﺎﻟﺔ ﺧﺎﺻﻚ ﺗﻮﺍﺿﺐ ﻋﻠﻰ ﺍﻟﺼﺎﻟﺔ ﻭ ﻣﻠﻲ ﺟﺎﻱ ﺭﻣﻀﺎﻥ ﻭﺍﺍﺍﺍﺍﺍﺿﺐ ﻋﻠﻰ ﺍﻟﺼﻼ‌ﺓ ﺃﻭﻟﺪﻱ ﻭ ﻋﻄﺎﻧﻲ ﺷﻲ ﺑﺨﻮﺭ ﻋﻄﻴﺘﻮ ﻟﻔﻠﻮﺱ ﻭ ﺭﺟﻌﻨﺎ ﺷﺪﻳﻨﺎ ﺍﻟﻄﺮﻳﻖ ﻭ ﻟﻜﻦ ﺃﻭﻝ ﻣﺮﺓ ﻛﻨﺤﺲ ﺑﺎﻟﺮﺍﺣﺔ ﻭ ﺍﻟﺸﻮﻓﺔ ﺩﻳﺎﻟﻲ ﺍﻟﺤﻴﺎﺓ ﺍﻟﺤﻴﺎﺓ ﺗﺒﺪﻻ‌ﺕ ﻭﻣﻦ ﺩﺯﻧﺎ ﻣﻦ ﺣﺪﺍ ﺍﻟﺼﻄﺎﺳﻴﻮﻥ ﻟﻤﺸﺎﺕ ﻟﻴﺎ ﻓﻴﻬﺎ ﺍﻟﺮﺑﻌﺎﻻ‌ﻑ ﻭ ﻟﻘﻴﺘﻬﺎ ﻏﻲ ﺃﺭﺽ ﻣﻬﺠﻮﺭﺓ ﻫﻬﻬﻬﻬﻬﻪ ﺧﺪﻣﻨﻲ ﻭﻟﺪ ﺍﻟﺤﺮﺍﻡ ﺃﻭ ﺩﺍﻫﺎ ﻭﺍﻻ‌ﻛﻦ ﻫﺎﻧﻴﺔ ﻭ ﻣﻠﻲ ﺭﺟﻌﺖ ﻟﻠﺠﺪﻳﺪﺓ...
 ﻣﻠﻲ ﻭ ﺻﻠﻨﺎ ﻟﺠﺪﻳﺪﺓ ﺣﺴﻴﺖ ﺑﻮﺍﺣﺪ ﺍﻟﺮﺍﺣﺔ ﻓﺸﻜﻞ ﻭﺻﻠﻨﺎ ﺃﺷﺮﻑ ﻟﻠﺪﺍﺭ ﻗﺎﻟﻲ ﺗﻬﻼ‌ ﻓﺮﺍﺳﻚ ﻭ ﻧﺘﻘﺎﺷﻌﻮ ﺭﺍ ﺍﻟﺼﻴﻒ ﺑﺎﻗﻲ ﻃﻮﻳﻞ ﻗﻠﺖ ﻟﻴﻪ ﻫﻲ ﻟﻴﻤﺎﺗﻌﻮﺩﺵ ﻭ ﻃﻠﻌﻨﺎ ﻟﻠﺪﺍﺭ ﻟﻘﻴﻨﺎ ﻟﻔﺎﻣﻴﻼ‌ ﺟﺎﻭ ﻭ ﻣﻊ ﻛﺎﻥ ﺑﺎﻗﻲ ﻓﻴﺎ ﺍﻷ‌ﺗﺮ ﺩﻳﺎﻝ ﺩﻳﻚ ﺍﻟﻌﺼﺎ ﻟﻮﺍﻟﻴﺪﺓ ﺗﺨﻠﻌﺖ ﻭ ﻗﺎﺗﻠﻲ ﻣﻠﻚ ﻗﻠﺖ ﻟﻴﻬﺎ ﺩﺍﻛﺸﻲ ﻃﻮﻳﻞ ﺃﻣﻴﻤﺘﻲ ﻭ ﻋﺎﻭﺩﺕ ﻟﻴﻬﺎ ﻣﻦ ﻧﻬﺎﺭ ﺣﻀﺮﻧﺎ ﺩﺍﻛﺸﻲ ﺗﺎﻝ ﻧﻬﺎﺭ ﺍﻟﺼﺨﻴﺮﺍﺕ ﻭ ﻛﻨﺖ ﻣﺤﺪﻱ ﻛﻨﻌﺎﻭﺩ ﻭ ﺩﻣﻮﻋﻬﺎ ﺑﺤﺎﻝ ﺍﻟﺸﺘﺎ ﻣﺎ ﻭﻗﻔﻮﺵ ﻣﺤﺴﻴﺖ ﺗﺎ ﺻﻼ‌ﺗﻬﺎ ﻣﻌﺎﻳﺎ ﺑﻮﺍﺣﺪ ﺍﻟﺘﺼﺮﻓﻴﻘﺔ ﻭ ﻗﺎﺗﻠﻲ ﻭﺍﺵ ﻧﺘﺎ ﺑﺎﻏﻲ ﺗﻘﺘﻠﻨﻲ ﻭ ﻋﻨﻘﺘﻨﻲ ﺍﻩ ﻫﺎﺩﻱ ﻫﻲ ﺍﻷ‌ﻡ ﻭﺧﺎ ﺩﻳﺮ ﻟﻴﻚ ﻟﻴﺪﺍﺭﺕ ﺩﻳﻤﺎ ﻛﺘﺒﻘﺎ ﻛﻀﺤﻲ ﻋﻠﻰ ﻭ ﺩﻙ ﻣﻬﻢ ﻭﺍﺿﺒﺖ ﻋﻠﻰ ﺍﻟﺼﺎﻟﺔ ﻓﻮﻗﺘﻬﺎ ﻭﺧﺎ ﺑﻘﻴﺖ ﻣﺮﺓ ﻣﺮﺓ ﻛﻨﺤﻠﻢ ﺑﺸﻲ ﺣﻮﺍﻳﺞ ﻣﺎﺷﻲ ﺗﺎﻝ ﻟﻬﻴﻪ ﻭ ﻟﻜﻦ ﻣﻊ ﺍﻟﻮﻗﺖ ﻭ ﺭﻣﻀﺎﻥ ﺍﻟﺤﻤﺪ ﻟﻠﻪ ﻭﻟﻴﺖ ﻋﻠﻰ ﺧﻴﺮ ﻭ ﻓﺎﻟﺨﺮ ﻏﻨﻘﻮﻟﻴﻜﻮﻡ ﺍﻟﻤﺴﺎﺟﺎﺕ ﺩﻳﺎﻝ ﻫﺎﺩ ﺍﻟﻘﺼﺔ ﺑﻌﺪﻭ ﻋﻠﻰ ﻫﺎﺩﺷﻲ ﺩﻳﺎﻝ ﺍﻟﺠﻨﻮﻥ ﺑﻌﺪﻭ ﻋﻠﻰ ﺍﻟﺰﻋﺎﻣﺔ ﺍﻟﺰﺍﻳﺪﺓ ﺧﺘﺎﺭﻭ ﻣﻌﺎﻣﻦ ﻛﺘﺼﺤﺒﻮ ﻣﺰﻳﺎﺍﺍﺍﻥ





Add me sur Facebook pour plus des histoire: M-Four Art

Pour me connecter sur WhatsApp: +212617895801

Snapchat: m-fourking
Instagram: head_of_the_gang